من طلعت على هالدنيا وانا بروحي وعرفت اني راح اعيش وحيدهـ وراح اموت وحيدهـ من يوم انا صغيرهـ مااشوف قدامي غير جدتي الي توصي الخدامهـ على اكلي وشربي ودراستي لانها عاجزه ولاهي قادرهـ على حملي وثقلي الي ابوي ماقدر عليهـ ورماني عليها بعد ماطلق امي الي ماصدقت خبروسافرت وتركتني ويا جدتي من طلعت على هالدنيا ومااشوف غير وجه جدتي وامي وابوي مااعرفهم ابد ولابحياتي شفتهم ولابحياتهم فكروا يشفوني او يطمنون علي حسيت بحراره بجوفي حرارة قهر وحسرهـ بس على شنو اخ بس على شنو على حالتي ودنيتي السوداء مافي شي حلو بحياتي ابد قعدت اشوف لولي قطوتي اه ياحلاتها ياناس من اشوفها انسى كل همومي بياضها الناصع وعيونها الزرق وشعرها الكثيف يخليني اسرح بجمالها وبرائتها اكثر شي احب اسويه لها اني اتهاوش وياها حطيتها بحظني وجلست اتونس وياها بس من حطيتها بحظني ذكرت صاحبها كايد ياحبيلك وياحبي لكل لحظه جمعتنا حسيت بدمعه تنزل من عيوني مسحتها بطرف ثوبي بس ماقدرت امسك نفسي انهرت ابكي للحين احبه وعمري مارح انساه رغم انه تخلى عني وتركني ماقلت لكم اني وحيده وراح اضل وحيده حتى مع الشخص الي حبيته من قلبي وخذا قلبي وراح سنين ماندري عن بعض سنين كل واحد بديره سنين مافكر يرفع السماعه وطمني عن حاله ولايطمن عن اخباري بس مع كذا مدري ليه ماقدرت انساه وانسى هواهـ مشكلته حط اثر له قبل لايروح عطاني بعيد ميلادي قطوهـ وهو الي سماها لولي اسم الدلع الي كان يناديني فيه وكل مانطقت باسمها ذكرته وهو ينطق اسمي احبهـ واحب طيفهـ واحبه كله على بعضه غمضت عيوني بقوه وحسيت بشهقاتي الي قامت تعلى يوه ياليال انتي الحين كبيره وعمرك فوق العشرين وللحين تذكرين حب الطفوله الحب الي عذبك وانتي صغيره وكبيره متى بتنسينه وتعيشين حياتج متى !!؟ ليهـ تدفنين روحج مع الماضي خلاص راحت ايام الماضي وانتي الحين بالمستقبل انسي وعيشي اخ بس الكلام اسهل من الفعل بكثير خلوني ساكته احسن
؛ ؛ ؛ ؛ فواز
كل شي ابيه بحياتي يتنفذ ومن غير مااكرره ولد مدلل كل يوم بسياره وأي بنت أبيها تجيني من غير ماتقول لا حياتي راهيه كل شي متوفر عندي الحمدالله مانقصني شي ابد بس اليوم حصل لي موقف خطير حيل حيل نزلت من سيارتي ورايح للبنك عندي شغلات ابي اخلصها لقيت الموظفه كانت تجنن عيونها الكبار والعسليه وشعرها البني الي طايح على كتوفها وكلها على بعضها ناعمهـ حيل بس بعيونها شفت الحزن مرسوم فيها عطيتها الاوراق وقالت : اسفه اخوي اوراقك ناقصه ومارح تتم العمليه الا لين تكون كامله فواز: وليه ان شالله خلاص مشي الامور انتي : اخوي قلت لك مااقدر وهذا هو النظام شنو انت عشان نمشيه لك فواز وهو يرفع حاجبه: اجل ماعرفتيني يامدام : لو سمحت انسه فواز وهو يبتسم : ماعليه ياانسه بس الحين مشيني قبل لااسبب لك مشكله مالها اول ولاتالي : وليه انت مخالف النظام وتبيني اخرقه باي صفه اخوي فواز وهو يشيل نظارته : لاني فواز ولد الوزير 000 حسيت انها مااهتزت يوم سمعت اسمي ولاشي كأني ماني ولد الوزير وكأني شخص عادي قدامها : اسفه اخوي بس ابوك مارح يرضى انك تخترق النظام على حساب انك ولده تمنيت لو اخنقها عشان صح اريح قلبي الي احترق فواز وهو يأشر بيدها : هيه انتي بتمشين ولا ناديت المدير عليج شنو شايفه نفسج انتي عشان تتكلمين معآي بهالطريقه : طريقتي وعاجبتني واذا مااعجبتك تفضل للمدير واشتك عنده ولاتنسى تقوله انك ولد الوزير حسيت ببتسامه جانبيه ارسمتها بوجها ولااهتمت بس الي سوته انها جلست تتمصخر علي مادري ليه مسكت اعصابي ورحت للمدير واشتكيت عليها المدير اهتز وخاف وهي ولاحركت شعره من راسها كلمها المدير بس هي رافضه تسوي الاوراق والمدير عطى موظفه غيرها جلست اطالع فيها وجلست هي تطالع فيني بنظرات استهزاء وكأنها تقول ماقدرت تسوي شي ياولد الوزير طلعت من البنك وانا الشر يطلع من عيوني منهي هذي الي تتحداني انا الي كل شي ابيه يجيني تجي هذي الي مدري وش تبي توقف بوجهي هين انا اعرف كيف اسنعج انا لاحطيت شخص براسي ماارتاح لين اذله وانتي جبتي هالشي لنفسج يوه نسيت ان وراي طلعه ويا الربع ؛ ؛ ؛ ؛ ؛ ليال صحيت على صوت الخدامه الي تطق الباب لها ساعه فتحت الباب وانا مكشره هاه كوماري وش تبين كوماري : تعالي تحت ماما يبي انتا سديت الباب بوجها ورحت للحمام غسلت وجهي ولبست تيوري القصير بيجي ومنقط بأحمر وبدي حرير احمر لميت شعري ونزلت تحت ومعاي لولي بست راس جدتي وجلست عشان اتقهوى معها قالت لي الجدهـ : اسمعي يابنتي بقولك شغلهـ واخاف انها تضيق خلقك ليال بتسغراب: شنهي يدتي تحجي الجدهـ : ابوج يبي يزوجج من ولد عمج ماادري وش حسيت فيه كل الي بغيت اسويه اني اصرخ باعلى الصوت اقول وش يبي ليه يطلع لي عشان يدمر حياتي بعد وش يبي اكثر يكفي كبدي محترقه يجي يحرقها زياده يكفي اني اكرهه يبيني اكرهه زياده بس ماقدرت انفجر بوجه يدتي سكت وقلت بشموخ : يخسي يايدتي يسوي هالشي وغصبً عني انا الحين كبيره واذا اصر راح ارفع عليه قضيه بالمحكمه واشتكي عليه بكل مخفر يخسي ثم يخسي هالشيبه يتحكم فيني ماقدر على مرته يجيني انا ليه لاني وحيده ولا لاني ضعيفه وبنت يبي يسوي الي براسه ويسيطر علي وينه عني من زمان ليه ماخلاني بكنفه عشان يتحكم عدل ويزوجني الي يبي الحين بعد ماكبرت وصرت موظفه يبي يزوجني اسفه يدتي بس ماني موافقه وقولي له اذا براسه شي بيني وبينه المحاكم قمت بسرعه وانا معصبه ماادري ليه طاريه يخليني اشمئز مايبي يخليني اعيش براحه لازم النكد يعني طالعت بالساعه ولقيتها سبع قلت بدال مااحبس روحي بالبيت خلني اطلع اشم هوا بسيارتي خذيت لولي معي وقلت لجدتي اني طالعهـ
ماادري وش صار فيني جلست افتر وافتر لين تعبت اخر شي تذكرت شغله ناقصتني بالجمعيه قلت اروح اشتري لي كم شغله وارد للبيت سفطت سيارتي ونزلت وانا شايله بيدي لولي خفت اخليها بالسياره وتنكتم ولا احد يجي يخطفها عاد هي روحي وكل حياتي والشي الوحيد الي انبسط وياه بس الي صدمني وانا بالجمعيه حطيت لولي بالعربيه ورحت اخذ عصير وارجع بس يوم رديت مالقيت لولي بغيت انجن انهبلت جلست اركض واصرخ باسمها واحوس عليها جاني شخص وقالي : لوسمحتي اختي ليال وهي مخنوقه: هلا : شفيج تصارخين شلي ضايع لج ليال وهي بخوف: قطوتي مدري وينهي شفته يبتسم بسخريه وهمس لي: كل هذا عشان قطوه وانا احسب بتنج ولا اختج ضايعه طالعته بغرور : شتبي الحين انت يلا روح خلني ادور على قطوتي تراك اشغلتني وانا احسب انك لاقيها مالت عليك بس : لو سمحتي احترمي روحج وهذا وانا جايبها لج بس انتي منتي كفوا حسيت روحي بنط من الفرحه وبعفويه: امانه احلف شفته فاطس ضحك وحسيت انه يتمصخر علي صديت بوجهي وجلست ادور عليها : تعالي كاهي قطوتج الله يهداج انتي ماينمزح وياج ابد ليال بغرور: هاتها ومشكور وبعدين انت اخوي جلست تضحك وتسولف ونسيت القطوه وجالس تستخف دمك على حسابي مشيت وخليته وراي بس ماقدرت اني ماالتفت شفت ابتسامته ترتسم من غير شعور ابتسمت وياه طلعت من الجمعيه بعد ماحسبت وخذيت اغراضي وانا حيل مبسوطه ماادري شنو هالشعور الغريب الي اجتاح قلبي فجأه
؛ ؛ ؛ ؛ ؛ ؛ فواز طلعت من الاستراحه كانت حيل ممله مافيها شي رحت للجمعيه وتفجأت بالي شفته موظفة البنك قدامي ولا بعد وياها قطوتها والله انها حلوه ودلوعهـ مدري ليه من شفتها صرت اتبعها بكل مكان كاني مجنون بس البنت حلوه وتستاهل الي يبوس ريولها بعد بس حسيت انها حيل دلوعه وحيل غنيه وحسيت انها حزينه والحزن هو عالمها شفت بعيونها الخوف يوم مالقت قطوتها كيف زاغت عيونها وجسمها يرتجف هالخوف غريب كأنها بتفقد شي غالي رغم انها قطوه لهالدرجه القطوه غاليه عندها كنت بنتقم بقطوتها بس ماقدرت وانا اشوفها زي المجنونه مدري وشهو الشعور الي اجتاحني خلاني ارحمها بس مع ذالك ماابي الا ااني اكسر خمشها المرفوع حسيت بفرح يطاير من عيوني من شفتها بس يوم راحت كان ودي اتبعها بس ماقدرت اضطريت اني ارد مع ولد عمي لاني كنت جاي بسيارته وهو للحين يتقضى من الجمعيه جلست وياه وقلبي محترق اني ماعرفت عنها شي بس الايام قدامنا يا العنقاء << احس انكم مافهمتو معناتها المره الي رقبتها طويله اخ يلعن خيرها عذبتني هالبنت
؛ ؛ ؛ ؛ ؛
ليال
حطيت الفطور ليدتي وافطرنا انا وياها حسيت بشي غريب بوجها من اول ماقمت وجها ماهو عاجبني كأن في احد مضيق خلقها الا وتقولي الجدهـ : ليال بعد ماتفطرين البسي وامشي معاي استغربت وين تبينا نروح وانا وراي دوام : وين يايدتي لاتنسين عندي دوام الجده بعصبيه : اسمعي اليوم لاتروحين امشي وياي ضروري ولاتعصيني فهمتي نبرت صوتها ماهي عاجبتني ابد اكيد صاير شي كايد خلاص ياجده من عيوني الحين اروح ابدل ونروح سوا بس وين الجده: لاركبتي السياره قلت لج بدلت ملابسي بسرعه بعد مالبست جينز وبدي حرير كت وفوقه جيكت اسود رسمي طيحت شعري ولبست نظاراتي وخذيت شنطتي ونزلت بسرعه وحنا بالسياره قلت لها : هاه يايده وين تبينا نروح طالعتني بحده وقالت: للمحكمه طالعت الا واشوف اوراق بيدها حسيت ان في شي كايد راح يصير مشيت على اومرها ولاعصيت لها امر ابد نزلنا للمحكمه ومسكت ايد يدتي وقعدنا نمشي لين وصلنا للموظف قالت جدتي له : لوسمحت ابي اكتب كل املاكي لبنتي الي واقفه يمي حسيت كأن احد صاب علي كاس ماي بارد همست لها يدتي شلي تبين تسوينه انا ماابي شي غيرج انتي بس يدتي ماعطتني وجه ابد وطنشتني وجلست توقع اوراق كثيره وبعدها جاني الموظف وقالي وقعي طالعت يدتي وقلت لها : ماني موقعه شي بس يدتي طالعتي وعيونها تغورق دمع : اذا تحبيني وقعي لاتنسين مالج احد غيري يابنتي ولو صار فيني شي محد راح يرحمج خليني اظمن مستقبلج بكيت وحطيت ايدي على فمها : لاتقولين هالحكي الله يطول بعمرج يالغاليه باست يدي وقالت لي وقعي ولاتخليني زعلانه عليج ماقدرت اني ازعلها ابد وقعت وانا قلبي معورني لاني ماابي اصير ويا يدتي اني طمعانه اصلاً ماكنت ادري ان عند يدتي هالاملاك طلعت من المحكمه وانا الدنيا صاكه فيني بس وش اسوي يدتي ولازم اطيعها يوه خلني احلق على دوامي بسرعه
؛ ؛ ؛ ؛
فواز
جلست انطرها من الصبح بس للحين ماجت لايكون مارح تداوم حرام جالس والحين الساعه 11 والشمس حرقت لي راسي وتوي بركب سيارتي الا اشوفها واصله ابتسمت بخبث وقلت بنفسي جاك الموت ياتارك الصلاه بسرعه حطيت اللثمه على وجهي واول مادشت طرا على بالي ابنشر لها سيارتها وبسرعه رحت وبنشرت سيارتها بس ماارتحت للحين مابردت حرتي قلت خلني انطرها تطلع وجلست لين الساعه 2 وشفتها وهي طالعه شفت كيف ملامح وجها تغيرت من شافت سيارتها مبنشره ابتسمت ورحت صوبها
؛ ؛ ؛ ليال اول ماجيت بصعد سيارتي الا واشوف الكفر بنشر حسيت اني بموت من الحره اليوم هذا كله نكد بنكد ياربي الحين وش اسوي خوياتي كلهم طلعوا وانا الي متاخره وقعدت اتهاوش ويا المدير بسبت تاخيري والحين وش السواه وجوالي الحلو مافيه رصيد صدق الظروف الشينه لما تجي تجي مره وحده بغيت اموت الاواشوف رجال جاي صوبي ابتسمت بداخلي بس لما قرب حسيت اني قد شفته بس ماعطيت للمووضوع اهميه قالي فواز: اختي تبين مساعده قلت وانا اكابر: لااخوي ماتقصر فواز: اشوف سيارتج مبنشره كيف بتردين بهالقايله ترددت بس قلت بشموخ : يحلها ربك لاتشغل بالك فواز وهو يرفع حاجبه: دقيتي على اهلج يجونج ماعرفت وش اقوله ماعندي رصيد ولا تلفوني مقطوع ماعرفت كيف ارقع ابتسمت : اخوي جهازي مافيه شحن وانغلق وياك جوال عشان ادق على تاكسي يوصلني فواز : اسف اختي بس انا جهازي مافيه شحن قلت لها كذا عشان تجي تركب معاي ^_* ياربي الحل الحين وش اسوي اجلس انطر تاكسي يمر ولاشنو فواز: اوصلج اختي هذا شنو مايستحي على دمه هذا الي ناقص بعد اركب وياه : لاشكراً ماابي بنطر تاكسي فواز بخبث: براحتج اجل خلي الشمس تفقع مخج بغيت اذبحه وش قاعد يخربط ذا هيه انت وش تبي تعرفني اعرفك تجلس تتمصخر علي فواز : والله انتي الي كل ماقلت لج قلتي لا ماابي وش اسوي فيج حسيت اني بدوخ خلاص الحر لوع كبدي طيب يلا امش وصلني فوازببتسامه: ابشري صعدت وراه بالسياره وتهاوشنا اهو يقول تعالي قدام وانا مابي قعدت ادليه بيتنا ونزلت من السياره بسرعه حتى ماقلت شكراً حسيت اني وقحه بهالتصرف شفته للحين واقف رديت له وشفته يفتح جام الدريشه فواز: هلا اختي قلت له بتردد : يعطيك العافيه اخوي ماتقصر بس شفته وهو يسد ويقولي : زين انج تعرفين الاصول ماادري ليه رفعت ايدي وكشيت عليه حسيت انه طالعني وبسرعه سويت روحي اودعه ابتسمت ودشيت للبيت وانا مبسوطهـ حيل شفت قدامي شخص تمنيت مااشوفه ابد ؛ ؛ ؛ ؛ ؛ فواز شفتها كيف وهي معصبه وبعدها كشت علي بيدها وكيف صرفت وسوت روحها تودع بصراحه انبطيت ضحك على برائتها وتصرفاتها البريئه ريحتها للحين موجوده بالسياره ماادري احس الخطه بدت تضبط عرفت الحين وين ساكنه وراح ابدا بأول خدعي لها وهي اني دوم اتبعها لكل مكان لين تتعود علي وبكذا اكسب ثقتها والباقي يجي بالطريق الحين لازم اروح اتمشى مع حبيبتي خليني اغير جو رحت لها يم البحر ولقيتها تنطرني ناديتها ريوومه وحشتيني شفتها كيف تركض وترتمي بحظني جلست اضحك وياها بس احس اني وياها وعقلي مااهو معها تعودت اني العب بالبنات وكل يوم اطلع مع وحده حسيت اني طفشان سمعتها تناديني ريم : فوفو وش فيك فواز: مافيني شي ريم : مارح نروح للشقه من قالت الشقه ناظرتها نظرات استحقار وقمت تركتها وخليتها بنت الشوارع مسكت يدي وقالت : وين رايح هات الحساب رميت عليها عشره خذتهم وراحت تتمخطر ودور على فريسه ثانيه كيف تبيع نفسها بأرخص ثمن لذئاب جايعه ماتعرف الرحمه غمضت عيوني وشفت صورت ليال الي عرفت عنها كل شي بظغطت زر حتى رقم جوالها وياي بس مارح استخدمه الحين كل شي بوقته حلو ؛ ؛ ؛ ؛ ليال شفت ابوي قدام وجهي يصارخ على جدتي وكأنها اصغر عياله وقفت بوجه وصرخت عليه : هيه انت وين حنا قاعدين تنفخ على امك شنو شايفها محمد: وخري عني يالحيوانه خليني اشوف عجوز النار الظالمه الي تتلبس بثوب الايمان وهي مافيها ذرة ايمان قلت له وانا مخنوقه: جدتي احسن منك ومن عشره غيرك ماتشوف روحك يالطاهر الي ماتعرف امك الا لابغيت حاجه اطلع برا برا شفته يشد شعري وشفت جدتي الي تحاول تفكني من ايدينه المتوحش كل الي اسمعه صراخه : الحين تجين وياي العجوز ماعرفت تربيج عدل وانا الي بربيج عدل وامشي قدامي ومن اليوم راح تكونين بكنفي فهمتي صار يجرني من شعري ويبي ياخذني وياه صرخت بأعلى الصوت ماابيك اكرهك هدني هدني جدتي لاتخليني تكفين لاتخليني ماابي غيرج مسكت جدتي ايده وقالت له : اتركها يالعاق ماحسيت الا جدتي طايحه على الارض بقوه الحقير ضربها مد ايده عليها جعل ايده الكسر صرخت ابكي حقير كلش ولاجدتي هدني وش تبي مني وش تبي تجيني الحين بعد كل هالسنين تبي تنغص حياتنا وش تبي محمد: ابي ورثي وابي حقي الي العجوز عطتج اياه قلت له من بكرا اعطيك كل شي بس خلني انا وجدتي ماحسيت روحي الا طايره وصادمه بالجدار بقوه حسيت بدوخه واغمى علي ؛ ؛ ؛ ؛ فواز
من اول ماقمت الصبح افطرت ولابست وطلعت بسرعه بسيارتي الهمر وقفت يم بيتهم وجلست انطرها تطلع بس ماشفت سيارتها كسرت خاطري شكلها ماعدلتها خفت لايكون تأخرت عليها وطلعت طالعت بالساعه ولقيتها توها ست ونص يعني للحين موجوده شغلت على اغنية محمد عبده الاماكن وجلست اسمعها وانطر ليال الغامضه شفت سياره تسفط يم بيتهم وطلع منها رجال كبير بالسن بس مو حيل استغربت المعلومات الي جتني ان مافيه رجال ساكن وياهم هذا منو جلست اطالع وانا مستغرب
؛؛ ؛؛ ؛؛
ليال من اغمى علي توي اصحى لقيت روحي بحظن جدتي بالصاله فتحت عيوني وهمست لها جده انتي بخير هزت براسها قلت لها الساعه كم قالت لي الساعه ست ونص اختلعت حسيت اني متأخره حيل ابوي بيجي وبياخذني عشان اعطيه كل الاملاك شفت جدتي تمسك ايدي وقالت لي : اسمعيني عدل ان شفتج تعطين ابوج شي من الاملاك تأكدي اني راح اكون غضبانه عليج لين يوم القيامه قلت لها وانا عيوني تغورق دمع : جدتي خلينا نعطيه ونفتك من اذاه سنين ماشفناه ومن يوم حولتي املاكج لي طلع صدفه قبالنا عشان وصخ دنيا باعج وباعني طلبتج ياجدتي خلينا نعطيه ونفتك منه وظيفتي والحمدالله زينه مابي شي غير انج تكونين وياي طالعتني بعيون يطلع منها الشرر وقالت لي ماابيه يتهنى بفلس واحد هذا مايستاهل شي لاهو الي يحبني ولاهو الي بار فيني عشان اعطيه خلاص ابي احرق كبده مثل ماحرق لي كبدي فهمتي مابيك تعطينه شي ابد سكت وانا الحسره تاكلني حسيت بشهقاتي تعلى اكثر ماقدر اعصي لها امر جدتي وحبيبتي انفتح علينا الباب بقوه وكان الوحش جاينا لو اني تعبانه ولاجدتي بتموت ماشفناه هالحزه عندنا ابد بس عشان وصخ الدنيا نشوفه
حسيت الخوف يدب بجسمي مسكني من ايدي وقالي يلا امشي قدامي قلت له : مابي خلاص هذا حقي وش تبي انت مارح تجبرني على شي تفهم ماحسيت الا وهو يمسكني من شعري ويجرني بقوه وقالي بصوت عالي: بتجين وتوقعين غصب عنج صرت اصرخ وابكي وجدتي تحاول تبعده بس مافي فايده طلعني بالشارع بهالطريقه حسيت بروحي بموت على ايده ماحسيت الا بيدين تحاوط خصري رفعت عيوني عليه وحسيت اني اعرف هالشخص لانه قد مر علي حاولت اركز بس ماقدرت حسيت بدوخه واغمى علي وانا بوسط حظنه ؛ ؛ ؛ ؛ فواز
شفته يجر ليال من شعرها بقوه ويجبرها تصعد السياره وياه صراخهم كان عالي ركضت من غير شعور صوبهم مسكت ليال وابعدتها حسيت بثقلها كله علي البنت اغمى عليها حسيت بالخوف يدب بجسمي شفت ابوها يبي يضربني جتني الجده وعطيتها ليال ومسكت ايده قبل لايلمسني نزلتها بكل قوتي وهمست له نزلها لااكسرها لك ابعدته وقالي : منو انت هاه انا ابوها واولى فيها شتبي انت مالك خص مشكله عائليه وقاعدين نحلها سمعت صراخ الجده : كذاب الا مبتلين طلبتك ياولدي لاتخلينا وياه ترا بيذبح بنتي لاخليته من قالت هالكلمه حسيت قلبي يقرصني رفعت عيني عليه وقلت له: مشكله عائليه ماتنحل بهالطريقه الهمجيه يلا اصعد سيارتك وجعلني اشوفك تمد يدك عليها وربي لااكسرها لك ومنو انت عشان تكسرها لي قلت له انا اعلمك منو انا دقيت على رقم المخفر وبغضمت عين تلوه وخذوه وصيت عليه مايطلع وانه يوقع تعهد مايمسهم ابد شلت ليال ودشيت فيها للبيت شفت البرائه بوجها وهي نايمه علي حسيت بالندم على نياتي وسوالفي البايخه سمعت جدتها وهي تعلمني كل شي عن ليال حسيت بدمعه تخون رجولتي نزلت وبسرعه مسحتها بكم ثوبي شفت قطوتها لولي وهي تجلس يم ليال المنسدحه استئذنت من جدتها وقلت لها اي شي تبيه انا بالخدمه اشكرتني وحسيت الفرح بعيونها طلعت وانا الدنيا صاكه فيني كيف وشلون قدرت ليال تسيطر علي ماادري الي شفته وسمعته يخليني اسامحها ولاانتقم منها لان يكفيها العذاب الي تعيشه وحيده هذا الشي الوحيد الي اقدر اقوله عنها كيف الانسان يعيش كل حياته وحيد وفوق هذا حياته كلها الم وحزن غمضت عيوني ابي انام انرسمت لي صورتها وهي تتعذب بيدين ابوها طلعت جوالي ابي اطمن عليها دقيت بس ماردت ودقيت مره ثانيه وهم ماردت دزيت لها مسج طمنيني عنج فواز بس ماجاني شي غمضت عيوني احاول انام ولاقدرت انام ؛ ؛ ؛
ليال صحيت بعد ماطلع فواز كنت حاسه بوجوده سمعته وهو يقول لامي عن اسمه عرفته هذا الي كل مكان اشوفه وهو نفسه ولد الوزير عضيت على شفايفي بقوه كيف اني ماعرفته وكيف ان جدتي قالت له كل شي عني قمت ولقيت جدتي منسدحه يمي غطيتها بالحالف عدل وطلعت من عندها صعدت داري ولولي وراي سديت الغرفه ورحت اغسل وجهي شفت الرضوض الي فيه وشعري كيف نافش قعدت اعدل روحي شوي الا واسمع صوت جوالي كان رقم غريب مارديت عليه اخر شي جاني مسج وطلع فواز انصدمت وخفت حسيت ان وجهي صار طماطه مدري ليه يمكن لانه شالني ولايمكن لاني كنت بحظنه ولا لاني حسيت بشعور غريب لما شفته حاولت اتذكر شي بس كل الي اتذكره لما مسكني حيل من خصري وابعد ايدين ابوي عني بعدها طاحت عيني بعينه ولاشفت شي غير السواد اه يايبه تطلع لحظه وتدمر لي حياتي وتطلع لحظه تنكبني وتخليني اعيش ايام سودا كل ماحاولت انام اقوم وانا مختلعه احس ابوي بيجي وياخذني من جدتي كنت حاسه بالخوف حيل طالعت بجوالي ودزيت مسج لفواز يعطيك العافيه واسفه اني احرجتك معاي بعدها دق علي احترت ارد ولا ماارد رديت بهدؤ: هلا حسيت بصوته لهفه: هلابج كيفج الحين حسيت بالعبره تخنقني : ماشي الحال والله مدري وش اقولك يافواز انا منحرجه حيل منك وابيك تنسى كل شي سمعته لان البيوت اسرار مارد علي بعدها سمعت تنهيدته: انا الي اسف اختي اني ازعجتج واذيتج وانا ماكنت ادري على الي يصير وياج ماعرفت شقوله اني كنت مبسوطه ولما عرفت انه ولد الوزير انصدمت من تعاملي معاه ولو رجعت لورا يمكن مشيته من غير مااعانده قالي : ابوج مارح يعترضلج ابدً وراح تتمين انتي وجدتج مرتاحين منه قلت له: الحمدالله ومشكور وماتقصر والحين اخليك ترتاح قالي: انتبهي على روحج وتراني موجود بالخدمه سكرت منه وانا احس بمشاعر متضاربه غمضت عيوني وماحسيت روحي الا بسابع نومه ؛ ؛ ؛ فواز
مرت فتره وانا وليال نتكلم ويا بعض حسيت اني احبها حيل مااقدر اعيش بدونها ابد قررت اني اخطبها رحت صوب بيتهم بس شفت شي تمنيت مااشوفه ابد شفت واحد اسمر وطويل عيونه عسليه كان يضرب بالحصاه على بلكونت ليال جلست مكاني وقلت خلني اشوف وش يبي منها ؛ ؛ ؛ ؛ ليال كان فواز مكلمني انه راح يجينا ويبينا بموضوع مهم استغربت وش عنده بصراحه الفتره الي عشتها معه مارح اقدر انساها حبيته حيل بس في شعور ينغص علي ويقولي ان في شي راح يصير كنت لابسه تنوره قصيره جينز وبدي احمر ونعله حمرا بشرايطها ومسويه ستريت لشعري حسيت بصوت يم بلكونتي الا واشوف حصاه غمضت عيوني وكأن الذاكره ترجعني لورا
كان كايد يرمي الحصاه على بلكونتي كنت اطل واشوفه كان يغني لي وكنت اضحك وانا اشوفه بعدها انزل تحت واضمه ونجلس سوالف وضحك سنين وحنا على هالحاله بس بعد ماسافر وتركني وحيده كنت اترجاه مايسافر وكان يقولي مستقبلي وانا اسف لازم الحق على البعثه هذي فرصه ماتتكرر يالولي بكيت وانا بحضنه كنت خايفه افقده وفقدته تركني وراح ولاسمعت عنه خبر هو ميت ولاحي هو متزوج ولا عازب اسئله كانت دوم تطرى علي قطع علي حبل افكاري صوت الحجر الي صك بلكونتي حيل فتحت البلكون وغمضت عيوني وتمنيت اني ماشوف كايد فتحتها الا واشوفه حسيت بالدموع تنزل من عيوني غصب حسيت رجولي ماهي قادره توقف وطحت على ركبي قالي كايد: اشتقت لج حيل يالولي من قالها وحسيت بشهقاتي تعلى اكثر واكثر بعدها شغل اغنيه وطول على المسجل الي كان بيده وكانت اغنية محمد عبده احبه حيل
ليت ربي ماكتب لحظة وداع ولافراق ولادموع ولاضياع ليت كل الناس خل مع خليل وكل ماقيل النهاية بين الاحباب الرحيل قلت احبه حيل
كل ماادفن خيالك ياعنيد تمطر الدمعة وينبت من جديد شفت وش سوى بي حبك يا بخيل شفت وش سوى بي حبك يابخيل
لونويت اعاتبك القى الكلام يعتذر لي منك ويلوم الملام والقى حتى كلمة احبك قليل (البعد طال والنوى)...
البعد طال والنوى وحبه جرح قلبي دورت أنا عالدواء محد رحم حبي لقيه كثير أهلي وأحتاروا في أمري يا بو طبيب الهوى عسى يطيب جرحي
قال الطبيب لاهلي لما نظر حالي هذا المريض مسكين صعب عبى حالي ضربات قلبه تقول فارق حبيب سالي ماله دواء عندي غير شوفت الغالي
غمضت عيوني وقعدت اهيم مع الكلمات اه ياحياتي كيف انتي غريبه بعد ماظنيت ان كايد نساني يرجع لي وانا بحب غيره صرخ لولي انزلي مشتاق لج حيل حيل نزلت بسرعه اركض واحس بدموعي الحاره الي تحرقني فتحت الباب وكان وجهي بوجهه ماحسيت الا وهو يحظني حيل زادت شهقاتي اكثر واكثر قعدت اضربه على صدره واقوله ليه تتركني ليه توك تذكرني بعد هالسنين توك تجي بعد ماخلصت دراستك وشبعت ذكرت ان في وحده افنت عمرها عشان حبك وانت بعتها وتخليت عنها ولافكرت فيها توك تذكره هدني انا اكرهك اكرهك اكرهك هدني هدني يا كايد هدني كان ضامني حيل ولاهو راضي يهدني بس من سمع كلمة اكرهك ارتخت ايدينه من خصري كنت ابكي بحسره على عمري الي راح عشان شخص كذاب لويحبني صج ماتركني وانا بامس حاجه له وبعد كل هالسنين ذكرني وينك عني من زمان ياكايد الحين بعد ماعشت ونسيت حبك تجي عشان تطالب فيه خلاص قلبي صار لشخص غيرك شخص يستحقه شخص كان وياي بكل لحظه شخص لو اطلب عيونه عطااني اياها رغم انه ولد الوزير لكن انا بحياته غير وانا اشوفه فواز حبيبي وبس لاهو ولد فلا ولا شي اشوفه الحبيب وهواي وبس لاحضت سيارة فواز صافطه طاحت عيني بعينه كان يشوفني وانا بحظن كايد وراح يفهم الموضوع غلط × غلط عطاني نظرة احتقار ودعس بأقوى ماعنده حاولت اتبعه ولاقدرت التفت ولقيت كايد يطالعني همس لي احبج وراح اضل احبج ولو انتي نسيتي حبي انا مارح انسى حبج قعدت ابكي على حظي الشين وابكي على الدنيا الي من اضحك تبكيني وكل ماقلت تعدلت القاها تميل اه ياحياة الهم والغم ركضت لغرفتي ادق على فواز بس مارد علي حاولت اكثر من مره لكن مارد دزيت له احبك وعمري مااخونك وانت فاهمني غلط يافواز لاتبيع حبي بلحظة غضب وكل الي سمعته صوت شهقاتي الي تطلع من قلبي واحس ان روحي راح تختنق كل مافكرت ان فواز راح يتركني ؛ ؛ ؛ ؛ فواز حسيت اني طاير حيل بالسياره وكل مااشوف ليال بحظنه ودي لو نزلت وذبحته بأيدي باخر لحظه قلت ليه ابيع حياتي وعمري عشان غدااره اذا هي باعت حبي انا بعد ببيع حبها رغم اني كل مااشوف بسمتها ابتسم غصب عني واحس الدنيا حلوه من اشوف عيونها احس انها مرسى حبي ولما اضمها لصدري احس قلبي بيطلع من محله من كثر مااحبها والحين اشوفه تخوني ومع منو ياليال حسيت بدموعي تنزل دموع الحسره الانسانه الي حبيتها بصدق تخوني ليه لما نلعب نلقى ناس يحبونا صج ولما نبي نحب صج نلقى ناس تلعب بمشاعرنا بكيت الم وبكيت حسره وبكيت شوق لها اي بشتاق لها رغم اني ببتعد عنها رغم اني اتنفس هواه بس مااقدر اعيش وياها شفت جوالي يدق ولقيت قلبك يتصل بك مارديت وبعدها دزت مسج كلمتها هزتني بس هي الي غلطت وهي الي تتحمل غمضت عيوني ونسيت اني اسوق السياره ماحسيت الابصوت تصادم قوي حيل وحسيت بشريط حياتي معها كل لحظه حلوه وياها بسمتها دموعها عصبيتها هدؤئها زعلها كل لحظه عشتها معها مرت علي بهالشريط بعدها دنيا سوداء ؛ ؛ ؛ ؛
ليال جواله مغلق تكورت على نفسي وقعدت ابكي بصمت قلت من البدايه وحيده انا وراح اعيش وحيده واموت وحيده ابوي لما ارتحت منه رجع من جديد عشان يزوجني والحين فواز تاركني مرت فتره وهو لاحس ولاخبر بكيت اكثر مشتاقه له حيل حاولت اطلع واغير جو بس كل مكان امر فيه اشوف عشاق ويا بعض اذكر فواز وانا بكيت غصب عني صرت احسد اي شخصين ويا بعض ذكرت لما كنا بالبحر وطالعين نتمشى بالقارب كنت جالسه ورافعه ايدي حيل والقارب كان مسرع حيل غمضت عيوني وحسيت بدين فواز يمسكني ابتسمت بداخلي حسيت برجولي مرتفعه شفته شايلني قعدت اصارخ انه مايهدني خفت اغرق بالبحر كان يقولي من جدج ارميج ارمي روحي ولاارميج وفجأه وقف القارب بقوه وطحنا على الارض وكنت فوقه غمضت عيوني وحسيت برجلي تعورني ضربته على كتفه شف تسببت علي يالدب شفت الخوف بعيونه رفعني وجلس يمسك رجلي وانا كل مااصرخ يسمي علي باس رجلي وهو يعتذر حسيت ودي اني اعتذر منه لاني كنت اضحك معه قمت بسرعه وقلت له احبك وعساني ماانحرم منك ضمني حيل وجلسنا نضحك على خبالنا غمضت عيوني واحس بدموعي تنزل اشتقت له كايد الحقير الي يقول يحبني عرسه بعد اسبوع وهذي زوجته الثانيه بعد حسيت بالقهر ماادري كيف حبيته ولاادري ليه حبيته اكره واكره اللحظه الي جمعتنا مع بعض ماادري ليه رد علي بذيك اللحظه دمر حياتي وبناء حياته قررت ادور فواز واشرح له وضعي مسحت دموعي وشفت وجهي كيف ذبلان نزلت وفتحت الباب شفت شي خلاني مصدومه كان فواز قبالي وايده مجبسه ارمشت بعيوني اكثر من مره ابي اصدق الي اشوفه حقيقه ولاكذب همس لي حقيقه ياليال من غير اي شعور ركضت صوبه وارتميت بحضنه كل الي احسه اني لقيت الي فاقدته حيل هذا هو الشخص الي احبه وهذا هو الشخص الي ابيه وانا بين احضانه همست له سامحني ياحبيبي رفع لي وجهي بيده وهمس لي طلبتج ماابي اشوفج تبكين ترا قلبي يتقطع مع كل دمعه حاول يمسح دموعي بيده شفت يده سألته والخوف ياكلني شلي صار فيك حضني لصدره وقال حادث بسيط هو السبب بغيابي ياليال وانا اسف حطيت اصبعي بفمه وهمست له : اشش خلني بحظنك حبيبي انا حيل مشتاقه جلسنا على اضواء الشموع بعد ماتملكنا انا وياه شغلت اغنيتي الي كنت احب اسمعها لما اكون ويا فواز
حيـــــــــــــــ احضني ـــــــــــــــــــل
احضني حيل وخل يذوبني الحنان والله مـشتــاق لحنانـك مـن زمـان احضني حيل ... احضني حيل كنت ابوس الصور من أشتاق لك ومـن اشــوف الـــورد انا اتخيـــلك قاعد قبالي وضوه يملي المكـــان احضني حيل وخل يذوني الحنـان
احضنــــي حيـــــل احضــني حيـــــــــــل
ضيعت عمري بغيابك كنت غايب انته ويـن وحشه من دونك حياتي لا محبه ولا حنين سنين فارقتك واحس حالي غريب من اشوف احباب واني بلا حبيب اني بحضـانك أريــد القــا الامـــان احضني حيل وخل يذوني الحنـان
موضوع: أحضني حيل 
